PS, tre mandate radhazi. Nuk ndryshon skena politike,“surpriza” Tom Doshi

Përditësuar më: 27/4/2021, ora 19:46

PS, tre mandate radhazi. Nuk ndryshon skena politike,“surpriza” Tom Doshi

Përditësuar më: 27/4/2021, ora 19:46

Zgjedhjet parlamentare nuk sollën asnjë ndryshm në skenën politike shqiptare. Socialistët fituan mandatin e tretë radhazi. Opozita nuk arriti të sjellë rotacion politik dhe surprizë rezultoi partia e Tom Doshit, me tre mandate parlamentare.

Edi Rama vuri një rekord të ri në historinë e demokracisë në Shqipëri. Për herë të parë, një kryetar partie ka arritur të marrë 3 mandate qeverisëse njëra pas tjetrës. Ajo që mund të konsiderohet surprizë është partia e Tom Doshit, që arriti të sigurojë 3 mandate parlamentare, duke u bërë forca e katërt në Shqipëri.

Edhe pse Doshi hoqi dorë nga mandati, një ditë pasi hodhi votën në kutinë e votimit, partia e tij do të zërë tre vende në Parlanentin e ardhshëm.  

Kampi opozitar nuk shënoi ndryshime sa i takon numrave që arritën të merrnin edhe pas zgjedhjeve të vitit 2017. Demokratët u rritën 16 mandate parlamentare, por jo mjaftueshëm sa për të cenuar pozitat e socialistëve.

Kjo, pasi aleatja “de facto”, Lëvizja Socialiste për Integrim ka zbritur në nivelin e vitit 2009, vetëm 4 mandate parlamentare, nga 19 që arriti të siguronte 4 vite më parë.