Përfundon numërimi i votave për partitë në Tiranë

kuti votimi 1100x620

Rreth orës 07:00 të mëngjesit të sotëm ka përfunduar numërimi i kutive të fundit të Tiranë, duke përmbyllur kështu procesin e numërimit të votave për partitë.

Nga 1243 qendra votimi ka rezultuar se PS-ja ka fituar thellë në kryeqytet duke marrë 48.67 % të votave ose 18 mandate. PD ka marrë 39.12 %, ose 15 mandate. LSI merr 2 mandate ose 6 % të votave dhe PSD e Tom Doshit merr një mandat me 2.85 %.

Në total në të gjithë vendin janë numëruar 5198 kuti nga 5199 gjithsej. Partia Socialiste ka siguruar deri tani 74 mandate, PD 59, LSI 4 dhe PSD 3 mandate.

Rreth 3 milionë e 600 mijë shqiptarë me të drejtë vote u thirrën në votime më 25 prill për të zgjedhur 140 deputetët e parlamentit të ardhshëm.