Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Të rinjtë britanikë rikthehen në klube, pa asnjë masë mbrojtëse

Nga A2 CNN
30 Prill 2021, 18:33 | Lifestyle

Mijëra të rinj në Britaninë e Madhe do marrin pjesë sonte në një koncert pa distancë shoqërore dhe pa maska, por me teste negative para dhe pas eventit.

“Koncerti eksperimental” nga banda Blossoms është një ngjarje pilot e planit të qeverisë britanike për të dalë nga pandemia.

Sipas raporteve nga Departamenti për Kulturë, Media dhe Sport, pjesëmarrësit do të duhet t’i nënshtrohen një testi të shpejtë, i cili tregon rezultatin në 30 minuta, në një qendër të vendosur në vend para koncertit.

Pjesëmarrësve gjithashtu do t’u kërkohet të marrin një test pas koncertit dhe të japin detajet e kontaktit në Sistemin Kombëtar të Shëndetit (NHS) për të siguruar që ata mund të kontaktohen në rast të rezultateve pozitive të testit.

“Një hap më afër një vere me koncerte”, tha Ministri i Kulturës Oliver Dowden .

Ministri i Shëndetësisë, Matt Hancock, tha se rezultatet e koncertit “do të na ndihmojnë të sigurojmë që eventet e mëdha në të ardhmen të mbahen në mënyrë të sigurt”.

Kjo ngjarje rrit më tepër shpresat e organizatorëve dhe të publikut që koncertet do të kthehen për të shpëtuar sezonin turistik që po troket.

A2 CNN Livestream

Debat - nga Alba Alishani