A mund të shkarkohet Ilir Meta?

A mund të shkarkohet Ilir Meta? Gjoni: Është vetëm çështje kohe

Partia Socialiste ka depozituar sot në Kuvend kërkesën për shkarkimin e presidentit Ilir Meta, me argumentin se para dhe gjatë fushatës, ka kryer veprime që bien në kundërshtim me Kushtetutën e vendit.

Për Edlira Gjonin, ky tashmë është një fakt dhe është vetëm çështje kohe shkarkimi i tij. Ajo thekson se përplasja mazhorancë-president nuk është institucionale, por e personave që e kanë krijuar këtë ngërç. Sipas saj kjo është një krizë e stisur.

“Kjo nuk është përplasje institucionale, por e personave që kanë krijuar këtë ngërç. Tani pas zgjedhjeve të jetë akti i parë nga parlamenti ekzistues. Balla nën entuziazmin e kaq shumë votave merr këtë nismë. Nuk besoj që është më e forta por ka më shumë debat publik, është në qendër të vëmendjes. Ka disa shkelje të Metës që na kanë shokuar fjala e tij mbi të gjitha parashikimet, por unë besoj që është krizë e stisur”. (për më shumë)

Shkarkimi i presidentit, Dervishi: Meta pagoi faturën e vitit 2019

Edhe analisti Lutfi Dervishi ndan mendimin se procesi për shkarkimin e presidentit është një fakt, por sipas tij çështja është te koha dhe kuorumi në Kushtetuese. I ftuar në “Absolut 4”, Dervishi thekson se PS kërkon të kapë afatin 4 mujor për të gjithë procedurat.

“Procesi i dytë për shkarkimin presidentit ka nisur, ky është një fakt. Çështja është se deri kur do çojnë brenda këtyre 4 muajve.  Duan të kapin afatin 4 mujor të gjithë procedurave. Ka një vullnet të qartë që me parlamentin e kaluar, tregon që ky proces do të ndodhë dhe do ta dorëzojnë në kushtetuese. Çështja është te koha, jo te argumenti dhe numrat. Çështja  është a do të jetë kuorimi në kushtetuese. Dhe ajo që thotë Rama që opozitë njoh vetëm PD. Në 2017 ishte president i zgjedhur”. (për më shumë)

Zgjedhjet, Gjoni: Partia Socialiste bëri shah mat

Pedagogia e komunikimit, Edlira Gjoni, u shpreh në “Absolut 4” se Partia Socialiste pati një strategji të mirëfilltë elektorale në këto zgjedhje.

“PS-ja bëri shah mat, me një strategji të mirëfilltë elektorale në këto zgjedhje. E ka përdorur administratën po aq sa Partia Demokratike kur ishte në pushtet, ka bërë shantazhe për pushime nga puna po aq sa Partia Demokratike, por ka bërë më shumë duke i “sajdisur” votuesit e vet. PS ka marrë po aq vota sa në vitin 2017. PD-ja ka marrë 200 000 vota më shumë sesa në vitin 2017 dhe të thotë që nuk njeh këto zgjedhje do të thotë të bjerë në kundërshtim me veten”, deklaroi Gjoni. (për më shumë)

Dervishi: Kontestimi i zgjedhjeve, instrument për të mos bërë rinovimin e lidershipit

Analisti Lutfi Dervishi mendon se “kontestimi i zgjedhjeve është gjetur si instrument gjithmonë nga opozitat për të mos bërë rinovimin e lidershipit”.

Sipas tij, opozita ka argumenta për të konstetuar zgjedhjet, por kontestimi bëhet në rrugë institucionale që të bëhet e besueshme.

“Nëse rishikojmë argumentat e opozitës, ajo thotë se është garë e pabarabartë. Administrata është përdorur tmerrësisht shumë, si asnjëherë tjetër. Ka akuza për shitblerje dh eke parti që kanë marrë mandate qartësisht me shitblerje votash. Opozita ka bërë denoncime në prokurori dhe SPAK. Me aq shumë sa janë bërë, do të mjaftonin dhjetë herë më pak për të kontestuar zgjedhjet. Në këtë kuptim, argumentet e opozitës për të kontestuar rezultatin janë të mjaftueshme. Kontestimi bëhet në rrugë institucionale që të bëhesh i besueshëm. Opozita duhet të jetë në Parlament sepse i ka konsumuar rrugët ekstreme dhe rezultati ka qenë katastrofik”, tha Dervishi. (për më shumë)

Liria e medias, Dervishi: Situata në Shqipëri është paradoksale. Ka pika të errëta që minojnë misionin tonë

Në Ditën Ndërkombëtare të Lirisë së Medias, analisti Lutfi Dervishi e cilëson paradoksale situatën  e medias në Shqipëri. Sipas tij institucionet nuk garantojnë dot lirinë e medias, ndërkohë që thekson se ka përkeqësim të gjuhës së urrejtjes dhe përkeqësim të zbatimit të ligjit për të marrë informacion.

“Modeli i biznesit në media, reklama të mos ndikojë politikën editoriale është në pikëpyetje dhe shohim që ngjarjet ë të rënda, investigimet më të mira i trajton një media që ka donatorë të huaj dhe këto quhen ishuj integriteti e pavarësie dhe ka gazetarë të rinj që po e lëvrojnë këtë lloj gazetarie. Mendoj që jemi në situatë paradoksale, krahasuar me rajonin jemi disi më mirë, por jo aq mirë. Institucionet nuk të garantojnë dot lirinë e medias. Nuk mbetet qeveritar pa u kritikuar kurse disa figura të errëta nuk përmenden, kemi përkeqësim të gjuhës së urrejtjes, kemi ligj që të garanton akses për të marrë informacion dhe përkeqësim të zbatimit të këtij ligji”. (për më shumë)