Humbi mandatin parlamentar, Ervin Bushati: Çdo fitore e madhe e ka një akt heroik

“Fitorja e Partisë Socialiste është fitorja ime”. Kështu u shpreh kreu i socialistëve të Tiranës, Ervin Bushati, në hyrje te Parlamentit, ku sezonin e ardhshëm nuk do të bëjë më pjesë.

Ai mblodhi pak vota preferenciale dhe u detyrua t’i lërë vendin një deputeti të ri që theu herësin duke siguruar një ulëse në Parlament.

Kjo, sipas Bushatit, ndodhi sepse qytetarët nuk e kishin kuptuar mirë sistemin e ri.