Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Certifikimi i vaksinave, a do të mund të udhëtojmë në Europë me Coronavac dhe Sputnik V?

Nga A2 CNN
6 Maj 2021, 15:06 | Aktualitet
Certifikimi i vaksinave, a do të mund të udhëtojmë në

Komisioni Europian udhëzoi 28 vendet anëtare që në prag të sezonit turistik, të pranojnë udhëtarë nga vendet e ndryshme të Europës të cilët kanë një pasaport vaksinimi nga kompanitë e çertifikuara nga EMA.

Praktikisht BE, nxit vendet anëtare të pranojnë turistë të vaksinuar vetëm me Pfizer, AstraZeneca, Moderna dhe Johnson &Johnson.

Nga këto lloje vaksinash, Shqipëria ka aplikuar vetëm dy prej tyre, atë Pfizer dhe AstraZeneca. Që nga nisja e procesit të vaksinimit në vendin tonë kanë mbërritur në total rreth 750.000 doza vaksinash, të ndara specifikisht në rreth 80.000 doza Pfizer dhe rreth 133.000 dozaAstraZeneca. Pjesa tjetër dhe ajo më dërrmuesja e dozave i takon vaksinës Coronavac si dhe një pjesë nga Sputnik V.

Në këto kushte, a do të mund të udhëtojnë drejt Europës shqiptarët që kanë kanë marrë vaksinat kineze dhe ruse?

Në mbledhjen e fundit të Komitetit Teknik, ministrja Manastirliu mohoi një kufizim të tillë. Për vaksinat Coronavac dhe Sputnik V, EMA ka nisur një proces verifikimi mbi njohjen e tyre dhe çertifikimin si vaksina të sigurta. Në rastin më të keq, qeveria ka menduar edhe një skenar rezervë.

"Do të ketë marrëveshje ndërqeveritare."

Në rast se shtetet e BE do të kenë kufizime të lëvizjes, nga Shqipëria deri më tani do të mund të dalin rreth 106 mijë e 500 qytetarë të vaksinuar me Pfizer dhe AstraZeneca. Ndërkohë për rreth 267.500 të tjerë që kanë marrë ose pritet të marrin dozat e plota të Coronavac dhe Sputnik V, mund të ketë kufizime sa i përket njohjes së vaksinave ende të paçertifikuara.

Ndërsa vera erdhi dhe vëmendja është përqendruar tek sezoni turistik për pushime dhe fitim ekonomik, epedimiologët mungesën e çertifikimit të vaksinave Coronavac dhe Sputnik V e shohin në një tjetër aspekt.

Sipas autoriteteve deri tani Shqipëria ka arritur 19% të imunizimit nga virusi Covid-19. Shifrat mund të ndryshojnë në javën e tretë të majit ku ekspertët e shëndetit kanë paralajmëruar një rritje të numrit të të infektuarëve për shkak të grumbullimeve në fushatë elektorale.

A2 CNN Livestream

Dita jonë