Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Tani e tutje, Instastoryt do të duken ndryshe

Nga A2 CNN
6 Maj 2021, 09:00 | Teknologji
Tani e tutje, Instastoryt do të duken ndryshe

Instastoryt do të vijnë me një ndryshim të ri, pasi Instagrami ka shtuar opsionin “Captions”. Falë këtij opsioni videon në Story mund ta shoqëroni me një përshkrim automatik bazuar në përmbajtjen e saj.

Për të përdorur funksionin, ju së pari duhet të regjistroni një video të re duke përdorur Stories në aplikacionin Instagram, ose të zgjidhni një video nga galeria e telefonit tuaj. Më pas klikoni  "Captions", e cila do ta shndërrojë fjalimin tuaj automatikisht në tekst.

Kjo mundëson që mesazhi të jepet në mënyrë të qartë dhe është konsideruar si një lehtësim për të gjithë personat që kanë vështirësi me dëgjimin. Gjithashtu, ofron një mënyrë që përdoruesit të shikojnë video pa zë, pavarësisht se ku ndodhen.

Opsioni i ri që u prezantua më 4 maj momentalisht është gati vetëm për Story-it, por sipas Instagramit do të jetë i aksesueshëm shpejt edhe për Reelsat.

A2 CNN Livestream

Debat - nga Alba Alishani