“SPAK-u nuk ka për t’i dhënë kurrë fitoren në tavolinë njërës apo tjetrës palë në zgjedhje”

Publikuar më: 11/5/2021, ora 22:07

“SPAK-u nuk ka për t’i dhënë kurrë fitoren në tavolinë njërës apo tjetrës palë në zgjedhje”

Publikuar më: 11/5/2021, ora 22:07

“Nuk duhet të kemi pritshmëri që SPAK-u do të bëjë atë lojë politike që disa autorë politikë nuk patën kurajën ta bëjnë. Nga SPAK-u për këto zgjedhje ne duhet të presim maksimumin që të bëjë drejtësi, të dënojë ata që janë për t’u dënuar dhe të përmirësojë procesin për vitin 2025. SPAK-u nuk ka për t’i dhënë kurrë dhe nuk ka përse ta bëjë që t’i japë fitoren në tavolinë njërës apo tjetrës palë”.

Kështu u shpreh në A2 Gjergji Vurmo nga Instituti për Demokraci dhe Ndërmjetësim, teksa u diskutua për denoncimet e bëra nga PD për shkeljet e pretenduara gjatë zgjedhjeve të 25 prillit.

“SPAK-u nuk kishte përse të reagonte përpara zgjedhjeve, por të çojë hetimin deri në fund. SPAK-u do të bënte historinë nëse do t’i shkonte deri në fund dhe besoj se do ta bëjë, në mënyrë që të mos arrestojë vetëm peshqit e vegjël, por të shkojë më lartë. Mos prisni që SPAK-u t’i japë fitoren në tavolinë njërës apo tjetrës palë. SPAK-u nuk është fare lojtar politik”, shtoi Vurmo.

Oerd Bylykbashi, anëtar i Kryesisë së PD, reagoi duke thënë se opozita ka bërë kallëzim penal me një listë emrash në Durrës, por nuk është bërë asgjë nga SPAK.