Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Falja e Fitër Bajramit. Besimtarët në sheshin “Skënderbej”, lutje për shëndet e begati

Nga A2 CNN
13 Maj 2021, 16:43 | Aktualitet
Falja e Fitër Bajramit. Besimtarët në sheshin

Nga të katër anët e sheshit “Skënderbej”, rrugicat ishin të tejmbushura me besimtarë. Ata vinin në këmbë drejt qendrës, aty ku u mbajt edhe falja e madhe.

Fitër Bajrami, për besimtarët, është ngjarja më e rendësishme pas 30 ditëve sakrificë gjatë muajit të agjërimit. Në shesh ka edhe besimtarë që e kanë vitin e parë të faljes së Namazit të Bajramit.

Besimin në Zot, shumica e besimtarëve thonë se e kanë predikuar e trashëguar ndër vite. Për ta feja është shërimi i shpirtit dhe mirësi ndaj të tjerëve. Luten të kenë shëndet e begati, si dhe të shohin një Shqipëri më të mirë.

Në mesin e mijëra besimtarëve, i lartë është edhe numri i nevojtarëve. Lypin pak lëmoshë, si të vetmen mundësi për të mbajtur familjen. Lutjet në vitin e dytë pandemik shkojnë për të sëmurët, ata që humbën jetën nga virusi si dhe për shëndetin e begatinë në familjet shqiptare.

Pas faljes së Namazit të Bajramit, një 40-vjeçar hyri mes turmës së besimtarëve me një libër Kurani në duar dhe tentoi të dëmtojë veten me lëndë djegëse. Fatmirësisht nuk arriti të çojë deri në fund aktin e tij.

Ngjarjen, Komuniteti Mysliman e cilësoi si veprim i një personi me probleme në shëndetin mendor.

Pas faljes së Fitër Bajramit, besimtarët shtrojnë dreka familjare si dhe tryeza në qendrat sociale për besimtarët në nevojë. 

A2 CNN Livestream

Debat - nga Alba Alishani