Stërvitja e madhe ushtarake “Defender Europe 21” është duke vijuar në vendin tonë. Mëngjesin e sotëm, trupat ushtarake kanë kryer ushtrime që kanë të bëjnë me zbulimin e minave.

Mbi 1000 trupa shqiptare po marrin pjesë në stërvitje, së bashku me forcat e armatosura të 16 shteteve të tjera, aleate të NATO-s.

Në total, do të marrin pjesë 28 mijë trupa. Në Shqipëri, stërvitja po zhvillohet në disa baza, si ajo e Bizës, Kuçovës, në Zall-Herr, etj. I udhëhequr nga Shtetet e Bashkuara, mes 28 mijë trupave nga 26 kombe, “Defender 21” ka si synim ndërtimin e gatishmërisë operacionale të të gjitha vendeve aleate të NATO-s.