Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Dueli i pabesueshëm: Bugatti Chiron sfidon avionin ushtarak

Nga A2 CNN
22 Maj 2021, 21:01 | Teknologji

Për të nderuar pionerët e aviacionit francez, marka Bugatti prezantoi një seri të limituar me 20 supermakina Bugatti Chiron Sport, të quajtura “Les Légendes du Ciel” (Legjendat e qiellit).

Mënyra më e mirë për t’i reklamuar ishte një garë me avionin ushtarak francez Rafale, në bazën ajrore Landivisiau.

Duke qenë se Bugatti arrin nga 0 në 100 km/h për 2,5 sekonda, supermakina fitoi menjëherë avantazh mbi avionin. Por, sapo u ngrit në ajër Rafale, nuk pati më garë…

“Isha përpara në 300 metrat e parë, por më pas e pashë 20 metra lart meje, duke m’u larguar nga sytë. Ishte një pamje fantastike dhe e pabesueshme”, tha Pierre-Henri Raphanel, piloti i Bugatti.

Që kur u themelua në vitin 1909, Bugatti ka qenë shumë i lidhur me aviacionin. Në fakt, shumë pilotë të Bugatti kanë qenë edhe pilotë të Forcave Ajrore Franceze, përfshi të famshmin Roland Garros. Pioneri i aviacionit, i cili vdiq gjatë luftimeve ajrore në Luftën e Parë Botërore, ka qenë mik i ngushtë i Ettore Bugatti dhe një nga pronarët e parë të Bugatti Type 18.

https://www.youtube.com/watch?v=-zDm5GOeE_Y

A2 CNN Livestream

Dita jonë