Mbi 270 zjarrfikës prej 3 ditësh në luftë me flakët që kanë përfshirë pyllin në Greqi

zjarr ne pyll 1100x620

Mbi 270 zjarrfikës dhe ushtarë, të mbështetur nga 16 avionë zjarrfikës, janë ende duke luftuar për shuarjen e flakëve në zjarrin e madh që ka përfshirë pyllin në Greqi. Prej tri ditësh zjarri po “gllabëron” pyllin në rajonin Geraneia, 90 kilometra në perëndim të Athinës dhe këtë mëngjes autoritetet deklaruan se bllokimi i flakëvë mbetet synim kryesor, edhe pse po bëhet përparim.

Zjarri, i rënë të mërkurën në zonën bregdetare të Gjirit të Korintit, është më seriozi që ka goditur Greqinë në 30 vitet e fundit, duke I paraprirë sezonit të zjarreve në Greqi, tha shefi i zjarrfikësve  Stefanos Kolokouris për TV Ant1.

Pavarësisht progresit, zjarrfikësit mbeten të kujdesshëm, nga frika se fronti kryesor do të rimarrë forcën në terrenin e thyer malor në perëndim të Isthmus të Korintit.

Deri më tani flakët kanë shkatërruar 55 km katrorë pyje me pisha, i thotë AFP një ekspert, Euthymios Lekkas, profesor i menaxhimit të katastrofave mjedisore në Universitetin e Athinës.