Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Zyrtare, Hansi Flick merr drejtimin e Gjermanisë pas Europianit

Nga A2 CNN
25 Maj 2021, 11:42 | Futboll

Hansi Flick do të jetë trajneri i përfaqësueses gjermane të futbollit pas Kampionatit Europian që do të zhvillohet këtë verë.

Ish-trajneri i Bayern München dhe drejtuesit e Federatës Gjermane të Futbollit nënshkruan të martën marrëveshjen duke zyrtarizuar kështu një lajm që përflitej prej disa javësh.

Flick, i cili fitoi çdo trofe të mundshëm me Bayern sezonin e kaluar, ndërpreu me konsensus marrëdhënien me klubin gjerman këtë sezon. Ndërsa trajneri i Gjermanisë, Joachim Low, njoftoi muaj më parë se do të largohej nga drejtimi i kombëtares pas përfundimit të Europianit.

Flick ka qenë ndihmësi i Low nga viti 2006 deri në vitin 2014. Pas fitores në Kupën e Botës, u bë drejtor sportiv i DFB-së deri në vitin 2017.

A2 CNN Livestream

Ditari nga Denisa Pasholli