Ministri i Shëndetësisë në Kosovë, Arben Vitia zhvilloi një takim me kryetarët e komunave të Kosovës me të cilët bisedoi rreth situatës me pandeminë dhe ecurinë e procesit të vaksinimit.
Burime nga ky takim bëhet me dije se mes diskutimeve ka qenë dhe ai për lehtësimin e masave kundër pandemisë dhe orës policore.
Kështu, në vlerësim të situatës me pandeminë është menduar heqja e orës policore për qytetarët ndërsa lokalet do të munden të funksionojnë deri në mesnatë.
Gjithashtu, në 15 qershor, bazuar dhe në përmirësimin e situatës do të lejohet dhe organizimi i dasmave, të cilat kanë qenë një nga eventet e ndaluara totalisht.