Pfizer konfirmon marrëveshjen me Kosovën

pfizer vaksina kunder covid 19 1 1100x620

Kompania Pfizer ka konfirmuar marrëveshjen që ka arritur me qeverinë e Kosovës për furnizimin me një sasi të konsiderueshme vaksinash gjatë vitit 2021.

Një ditë më parë, ministri i Shëndetësisë, Vitia u shpreh pas mbledhjes së qeverisë së Kosovës se është arritur një marrëveshje me kompaninë e njohur për sigurimin e më shumë se 1.2 milionë vaksinash Pfizer gjatë vitit.

Vitia nuk e publikoi marrëveshjen e arritur duke thënë se ajo është konfidenciale.

Kjo është kontrata e parë që Kosova ka arritur të nënshkruajë me ndonjë kompani farmaceutike për sigurimin e vaksinave kundër koronavirusit.