Mesfushori i Chelsea, Jorginho, hoqi mjekrën menjëherë pas fitores së Champions League. Arsyeja? Futbollisti kishte vënë bast me një gazetar, pasi Chelsea mundi Porton në çerekfinale, se do ta lejonte atë që t’ia hiqte mjekrën po ta fitonte trofeun me veshë të mëdhenj.
Dhe menjëherë sapo Blutë ngritën kupën lart, Jorginho hoqi mjekrën gjatë intervistës në fushë. Gazetari nxori një makinë rroje dhe nisi të pastronte fytyrën e Jorginho, i cili nuk e mbante dot të qeshurën.
Basti kishte edhe një pjesë të dytë: Jorginho duhet t’i hiqte mustaqet gazetarit.
Pasi mbaruan punë, të dy u panë në celular dhe nuk e fshehën habinë për rezultatin e punës së tyre.