Vuçiç e pranon: Presion nga SHBA dhe BE për të njohur pavarësinë e Kosovës

Vuçiç paralajmëron Kosovën  Padia ndaj Serbisë për gjenocid bëhet vetëm nga Shqipëria 1100x620

“SHBA-ja dhe BE-ja po i bëjnë presion Serbisë të njohë pavarësinë e Kosovës”. Është kjo deklarata e bërë nga presidenti Aleksandër Vuçiç gjatë një interviste televizive.

“Aksioni është i koordinuar dhe kjo nismë vjen në të njëjtën kohë me vizitën e komisionerit Lajçak në Beograd, dy javë para rinisjes se dialogut. Për rastësi nuk besojmë. Kemi pritur presione të fuqishme”, tha ai sipas të cilit fuqitë e mëdha nuk duan ecjen përpara të Serbisë.

Mediat në Beograd raportojnë se ndërkombëtarët kanë shtuar presionin ndaj Serbisë për marrëveshjen finale me Kosovën. Portali alo.rs shkruan se një ultimatum do të vendoset para delegacionit serb më 15 qershor, duke i kërkuar presidentit Aleksandër Vuçiç njohjen e pakushtëzuar të Kosovës.