Kampionati Europian i futbollit do të zhvillohet nga data 11 qershor, deri më 11 korrik. Europiani ishte programuar fillimisht për t’u zhvilluar vitin e kaluar, por për shkak të pandemisë së koronavirusit u shty me një vit.
24 skuadra marrin pjesë në turne, të ndara në 6 grupe me nga 4 skuadra për secilin grup. Grupi më i fortë, të paktën në letër, parashikohet të jetë ai F, ku marrin pjesë Gjermania, skuadra me më shumë Europianë të fituar (3), Franca, kampione e botës në fuqi dhe Portugalia, kampione e Europës në fuqi.
Euro 2020: Skuadrat pjesëmarrëse
Grupi A: Turqia, Italia, Uellsi, Zvicra
Grupi B: Danimarka, Finlanda, Belgjika, Rusia
Grupi C: Holanda, Ukraina, Austria, Maqedonia e Veriut
Grupi D: Anglia, Kroacia, Skocia, Republika Çeke
Grupi E: Spanja, Suedia, Polonia, Sllovakia
Grupi F: Hungaria, Portugalia, Franca, Gjermania