Putin firmos ligjin që ndalon kandidimin e organizatave ekstremiste. Masë kundër Navalny

putin 2 1100x620

Presidenti rus Vladimir Putin ka nënshkruar ligjin që parandalon përkohësisht njerëzit e lidhur me veprimtarinë e organizatave ekstremiste dhe terroriste të kandidojnë për zgjedhje, në të gjitha nivelet. Dokumenti u botua në portalin zyrtar të qeverisë.

Aleatët e kritikut të burgosur të Kremlinit Alexei Navalny thonë se kjo lëvizje që synon t’i shmangë ata nga zgjedhjet parlamentare të këtij viti të planifikuara për në shtator.

Miratimi i Putinit për ligjin vjen disa ditë para se një gjykatë të marrë në konsideratë nxjerrjen jashtë ligjit të fondacionit anti-korrupsion të Navalny dhe grupeve të fushatës rajonale me arsyetimin se ata janë ekstremistë.

Ligji ndalon anëtarët ose krerët e grupeve të deklaruar ekstremistë të kandidojnë për vende në parlamenti ose të marrin pjesë në zgjedhje të tjera për periudha që variojnë nga tre deri në pesë vjet.

Legjislacioni në mënyrë efektive prish fushatat për parlamentin e njoftuar nga disa aleatë të Navalny, duke përfshirë Lyubol Sobol, i cili po ndiqet penalisht për një protestë në mbështetje të politikanit të opozitës.

Nënshkrimi nga Putin përkon me ditëlindjen e 45-të të Navalny, të cilën ai po e shënon pas hekurave, ndërsa vuan një dënim 2.5-vjeçar për akuzat e përvetësimit që ai thotë se janë shpifje.

Ekipi i Navalny, i cili thotë se pretendimet e ekstremizmit janë një përpjekje për të zbehur opozitën e tyre politike në zgjedhjet parlamentare në shtator, tha me sarkazëm se ligji ishte “një urim i veçantë për ditëlindjen nga Kremlini”.

Në një postim në llogarinë e tij në Instagram, Navalny tha se nuk ishte i shqetësuar nga detyrimi për të festuar ditëlindjen e tij në burg dhe se ai do të festonte të gjitha ditëlindjet e tij të humbura, pasi të lirohej.

Nëse Rusia shpall zyrtarisht Fondacionin Antikorrupsion të Navalny dhe grupet rajonale ekstremiste, autoritetet do të fitojnë fuqinë zyrtare për të burgosur aktivistët dhe për të ngrirë llogaritë e tyre bankare. Seanca e ardhshme gjyqësore në këtë çështje është caktuar për 9 qershor.