Treni përplas punonjësit e mirëmbajtjes, të paktën 9 viktima

China Train Accident 600x338

Nëntë persona humbën jetën në një aksident hekurudhor në provincën Gansu të Kinës, kur një tren përplasi punëtorët që po punonin për mirëmbajtjen e linjës.

Treni i nisur nga Urumqi për Hangzhou, u përplas me punëtorët e hekurudhës rreth orës 05:25 të premten në qytetin Jinchang.

Ekipet mjekësore dhe të urgjencës shkuan menjëherë në vendngjarje dhe po hetojnë për shkakun e aksidentit.

Megjithatë një zemërim ka shpërthyer te familjarët e viktimave dhe te komentuesit online të cilët janë të çuditur se si ka mundësi që në hekurudhë po kryheshin punimet dhe drejtuesit e trenave nuk e dinin këtë gjë.