Selim Çekaj, babai 72-vjeçar i Arbër Çekajt të dënuar për 613 kg kokainë, i akuzuar po për trafik droge, kërkon të lirohet nga qelia.
I moshuari i është drejtuar Gjykatës së Lartë ku kundërshton dy vendimet e shkallëve më të ulëta të Gjykatës së Durrësit, që e lanë në qeli.
Ai u arrestua në prill, pasi në një kontejner me banane të porositur prej kompanisë së administruar prej tij në Ekuador u gjetën 49 kg kokainë. Në vijimësi 72-vjeçari ka mohuar të ketë lidhje me sasinë e drogës. Arrestimi i tij solli dhe një revoltim të të birit në një nga seancat gjyqësore ndaj tij në Apelin e Gjykatës së Posaçme. Arbër Çekaj e konsideroi prangosjen e të atit si një sulm ndaj familjes së tij.