Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Harxhi: Nëse Basha nuk njeh zgjedhjet, t’i prijë një proteste në stilin rumun

Nga A2 CNN
6 Qershor 2021, 20:39 | Politikë
Harxhi: Nëse Basha nuk njeh zgjedhjet, t’i prijë një

Edith Harxhi ka vijuar takimet me demokratët në prag të zgjedhjeve të 13 qershorit për kryetarin e Partisë Demokratike. Këtë të diel, Harxhi u ndal në Pogradec nga ku u shpreh se me Bashën në krye Partia Demokratike ka njohur vetëm humbje.

Ajo theksoi se synon bashkimin e të gjitha vlerave dhe kontributet e të gjitha kohërave. “Ky bashkim duhet të ndodhë mbi idealet e 90-ës, ku në plan të parë duhet të kemi antikomunizmin, pronarët e ligjshëm, që tani fatkeqësisht janë kthyer në ish-pronarë. Duhet të kemi në plan të parë shtresën e mesme. Natyrisht, ne duhet të bëjmë edhe një falje publike për gjithçka që ne nuk kemi bërë në 30 vite për viktimat e komunizmit dhe pronarët e ligjshëm dhe duhet të hapemi si parti ndaj rinisë jo me fjalë, por me vepra, kjo është rini e inteligjencës artificiale, prandaj ne duhet të gjejmë mënyrën se si të afrojmë rininë, e cila po ikën përditë. Gjithçka do të ndodhë mbi idealet e 90-ës dhe kjo është e mundshme. Çdo ditë kam mesazhe nga dhjetoristë që janë të shpërndarë nëpër botë antikomunistë që janë larguar, të cilët më mbështetin dhe janë të gatshëm ti bashkohen thirrjes time”.

https://a2news.com/2021/06/06/java-e-nxehte-e-politikes-kuvendi-vendos-fatin-e-presidentit-ps-e-pd-bejne-llogarite-paszgjedhore/

Teksa foli për Bashën dhe zgjedhjet e 25 prillit, ajo u shpreh se nëse kreu aktual i PD nuk i njeh zgjedhjet nuk duhet të hyjë në parlament. “Basha, vërtetë që e quan procesin të manipuluar, ashtu e quaj edhe unë, por unë quaj procesin parazgjedhor të manipuluar ndaj zgjedhjeve, pasi zgjedhjet në vetvete ishin ditë normale zgjedhjesh pasi nuk ka pasur asnjë ankimim nga komisionerët e PD kur janë mbushur procesverbalet në KZAZ. Gjithçka doli ditën e dytë pas ditës së parë kur Basha u shpreh se votat janë në kuti, ditën e dytë tha se nuk njihte zgjedhjet. Faktikisht, Basha thotë ende sot se nuk i njohim zgjedhjet, por se do të hyjë në parlament. Atëherë, unë i bëj thirrje se nëse nuk do i njohim zgjedhjet, Basha nuk duhet të hyjë në parlament, por duhet t’i prijë një proteste paqësore të stilit rumun, me një rezistencë paqësore për të rrëzuar Edi Ramën”.

https://a2news.com/2021/06/06/basha-takon-demokratet-e-elbasanit-do-bindim-aleatet-tane-per-masakren-zgjedhore/

A2 CNN Livestream

Ditari nga Denisa Pasholli