Dhurata Saliaj: Nuk e dija që babai do të bënte vrasje. Mexhit Picari: I kërkoj falje edhe vajzës që i vrava burrin

mexhit picari dhe dhurata saliaj ne burg 1100x620

Gjykata e Tiranës vendosi në masën “arrest në burg” për Mexhit Picarin e Dhurata Saliajn. Babë e bijë akuzohen për vrasjen e Kudret Saliajt, më 4 qershor.

Gjatë seancës, Dhurata Saliaj deklaroi se nuk e dinte që i ati do të kryente një vrasje. “Nuk do ta lejoja kurrë. Kudreti ishte babai i fëmijëve të mi dhe nuk do ta lejoja. Kërkoj mëshirë nga Gjykata, kam tre fëmijë për të rritur”.

Ndërsa Mexhit Picari kërkoi ndjesë për vrasjen. “Të më falin nipërit dhe mbesat. I kërkoj falje edhe vajzës që i vrava burrin. Dhurata s’ka pasur dijeni. Pistoletën e kisha në brez dhe nuk e mora në çantën e gocës”.