Manuel Locatelli shkëlqeu me dy gola në fitoren 3-0 të Italisë ndaj Zvicrës, që i jep axurrëve kualifikimin për në fazën tjetër të Kampionatit Evropian.
Mesfushori i Sassuolos dha një pasim rreth 60 metra për Berardin, i cili dribloi në zonë Rodriguezin dhe shërbeu në qendër të saj, ku Locatelli kishte arritur pas një sprinti të gjatë dhe e dërgoi topin në rrjetë.
Në pjesën e dytë, Locatelli tregoi edhe aftësinë në goditjet nga larg me të majtën, këmbën e tij më të keqe, duke mos i dhënë shans portierit të Zvicrës.
Në minutat e fundit, Ciro Immobile shënoi edhe golin e tretë, me një goditje tjetër nga jashtë zone.