“Ishte një ndeshje e vështirë për shkak të prezencës së publikut. Kishim harruar se si luhet në një stadium të mbushur plot”.
Kështu e justifikoi Antoine Griezmann barazimin e Francës në Budapest, ndaj Hungarisë (1-1), në një stadium me rreth 60 000 tifozë.
Gjithashtu, sulmuesi francez shtoi se “fusha ishte e thatë”.
“U bllokuam, nuk ditëm të shfrytëzonim mundësitë. Është një Evropian ku nuk ka ndeshje të lehta, edhe ndaj Hungarisë është e vështirë. Tani, të mendojmë për ndeshjen ndaj Portugalisë”, tha lojtari i Barcelonës.