Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Rusia përjeton pikun e valës së tretë, qindra të vdekur dhe pacientët në korridore

Nga A2 CNN
22 Qershor 2021, 15:16 | Bota
Rusia përjeton pikun e valës së tretë, qindra të vdekur

Ndërkohë që në vendet perëndimore, situata e pandemisë duket në regres të dukshëm, në Rusi gjendja duket e rikthyer në momentet më të vështira. Aty janë regjistruar 546 viktima në 24 orët e fundit, në rritje të dukshme nga 440 të ditës së mëparshme.

Ky është numri më i lartë nga 11 shkurti, ndërkohë që të infektuarit janë më shumë se 16 mijë, pothuajse gjysma e tyre vetëm në Moskë.

Rusia krijoi vaksinën Sputnik, por vetëm një pjesë e vogël e popullsisë ka pranuar të vaksinohet. Bëhet fjalë për rreth 19.5 milionë persona, në një popullsi totale që kalon 146 milionë. Ndërkohë, sondazhet thonë se rreth 60% i rusëve nuk ka asnjë dëshirë për t’u vaksinuar edhe në të ardhmen.

Situata në spitalet e qyteteve duket serioze, dhe pamje të shumta tregojnë pacientët dhe lihen përtokë në korridore, sepse krevatet janë të zëna.

A2 CNN Livestream

Dita jonë