Pas 120 minutash tension, Roberto Mancini tashmë mund të buzëqeshë dhe të festojë fitoren e merituar ndonëse të mundimshme ndaj Austrisë.
“E fituam këtë ndeshje pasi e merituam. Në pjesën e parë dominuam dhe kishim mundësi shënimi, më pas në pjesën e dytë ramë fizikisht. Ndeshjen e fituam falë lojtarëve që kemi në pankinë që hynë në fushë me mentalitetin e duhur”, u shpreh trajneri i italianëve.
I pyetur se kë do të preferonte në raundin e radhës së Euro2020 mes Belgjikës dhe Portugalisë, Mancini u shpreh se e kishte vështirë të zgjidhte pasi të dyja janë ekipe të mëdha.