Anglia arriti një sukses historik ndaj Gjermanisë duke e mposhtur 2-0 dhe kaloi në çerekfinale të Europianit.
Menjëherë pas golave të Sterling dhe Kane në të gjitha qytetet e Anglisë, me qindra mijëra tifozë nisën festën.
Një festë mëse legjitime, jo vetëm sepse eliminuan Gjermaninë, një kundërshtar historik i tyre, por edhe sepse tashmë rruga drejt finales, të paktën në letër, duket e lehtë. Nëse kalon Ukrainën, Anglia do të ndeshet në gjysmëfinale me fituesin e çiftit Danimarkë-Çeki.