Pas gjyqit me Johnny Depp, Amber Heard bëhet nënë

Amber Heard është bërë nënë e një vajze, e cila erdhi në jetë përmes një nëne surrogato.

Lajmi surprizë u njoftua përmes një postimi në Instagram, ku Amber tha se vogëlushja Oonagh Paige Heard, ka ardhur në jetë që në prill.

“Jam shumë e emocionuar ta ndaj këtë lajm me ju! 4 vite më parë, vendosa që dua të kem një fëmijë. Dhe doja ta kisha sipas mënyrës sime! Uroj shumë që të arrijmë deri aty sa të normalizohet fakti që të mos duam domosdoshmërisht një unazë në gisht për të bërë një fëmijë! Ajo është fillimi i pjesës tjetër të jetës sime”, shkroi  Amber, e cila zgjodhi ta ndajë me botën vetëm tani lajmin e rëndësishëm.

Ky lajm vjen pak kohë pasi Heard u përball me një betejë ligjore publike pas divorcit me ish-bashkëshortin, Johnny Depp.