Kane nuk ka mëshirë për Ukrainën, Anglia kalon në gjysmëfinale

Anglia përmbushi parashikimet dhe fitoi me lehtësi ndaj Ukrainës, duke kaluar në gjysmëfinalet e “Euro 2020”, ku do të luajë kundër Danimarkës.

Harry Kane, me dy gola, Maguire dhe Henderson ishin autorët e golave për ekipin e drejtuar nga Gareth Southgate, që e dominoi ndeshjen nga fillimi në fund.

Ukraina pësoi nga një gol në fillimin e çdo pjese dhe nuk pati forcë për të reaguar, duke i dhënë kështu fund aventurës së saj në këtë turne.