Gjykata e posaçme caktoi masën e sigurisë për të akuzuarit e operacionit “Shpirti”. Para gjykatës dolën 18 persona, ku për 14 prej tyre u la në fuqi masa e arrestit në shtëpi, ndërsa për pjesën tjetër u caktua masa e arrestit me burg. Ne arrest shtëpie është edhe prokurori Maksim Sota, e po ashtu edhe Ilirjan Balla, Abdyl e Luan Krasniqi.
Burime pranë seancës bënë me dije se prokurori Sota ka mohuar pretendimet e Prokurorisë, se ka qëndruar në Vlorë në një banesë, qiraja e të cilës paguhej nga i dyshuari si kreu i grupit kriminal, Ilirian Duccellari (Zaimi).
Prokurori tha se nuk kishte marrëdhënie shoqërore me Duçellarin, apo të kishte udhëtuar ndonjëherë me të. Qëndrim mohues për akuzat kanë mbajtur edhe të arrestuarit e tjerë.
Masa “arrest në burg” u la e pa ndryshuar edhe për Festim Lelën, ish-nënkomisarin e Fierit. Seanca gjyqësore për të u zhvillua në ambientet e Spitalit të Traumës, ku po mjekohet për këmbën që theu tek u hodh nga një lartësi për t’i shpëtuar arrestimit.
Operacioni “Shpirti”, i finalizuar të premten erdhi si rrjedhojë e dy hetimeve të mëhershme, lidhur me trafikimin në total të gati 6 tonë drogë nga Shqipëria në Itali.
Masa arrest në burg është dhënë për:
Aleks Memaj
Aleksandër Neço
Mareglen Çaçi
Shkëlzen Kamberi
Klajdi Ademi
Erind Hysomenaj
Elton Kushi
Saimir Kurti
Malton Lleshi
(Çezar Gjomeno)
Ilir Gaba
Geri Zylyftari
Artan Zylyftari
Erlind Zylyftari