Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

Jepet dënimi i parë për dhunë seksuale gjatë luftës në Kosovë

Nga A2 CNN
5 Korrik 2021, 18:15 | Kosova
Jepet dënimi i parë për dhunë seksuale gjatë

Gjykata Themelore e Prishtinës ka dënuar me dhjetë vjet burgim serbin Zoran Vukotiç për dhunë seksuale gjatë luftës në Kosovë.

Ky është rasti i parë që dikush dënohet për një krim të tillë nga gjykatat e Kosovës. Prokuroria Speciale e Kosovës kishte ngritur aktakuzë kundër Vukotiçit në mars të vitit 2020.

Sipas një njoftimi së Gjykatës Themelore në Prishtinë, Zoran Vukotiç, si pjesëtar i forcave policore të njësisë rezervë të Ministrisë së Punëve të Brendshme të Serbisë, “kishte marrë pjesë në dëbimin e popullatës civile shqiptare, në kryerjen e dhunës fizike dhe psikike ndaj tyre si dhe me përdorimin e dhunës dhe veprimeve të tjera çnjerëzore, kishte kryer dhunim seksual ndaj gruas së nacionalitetit shqiptar".

Ministrja e Drejtësisë, Albulena Haxhiu e cilësoi dënimin e Vukotiçit si “lajm të mirë për të gjitha viktimat e dhunës seksuale të luftës, për qytetarët, por edhe për historinë dhe të ardhmen e Kosovës”.

Sipas të dhënave të prezantuara nga institucionet në Kosovë, gjatë luftës së fundit, janë rreth 20 mijë raste të dhunimeve seksuale nga pjesëtarë të forcave serbe.

A2 CNN Livestream

Dita jonë