Shqiptarët në Greqi, Dvorani i Korçës vuan për punëtorë në bujqësi

Prej disa javësh me qindra punëtorë sezonale presin në radhë në Kapshticë për të kaluar në Greqi, ku angazhohen kryesisht në vjeljen e produkteve bujqësore.

Ndërkohë në Dvoran të Korçës aty ku në mbledhjen e qershisë çdo vit ka nevoja të mëdha përkrah pune vihet re qartë se punëtorët sezonalë duhen kërkuar me llupë.  

Paga e ulët duket të jetë shkaku kryesor i mungesës së krahut të punës në prodhimet bujqësore.

Krahas mungesës së punëtorëve, fermerët përballen edhe me çmimet abuzive që tregtarët apo edhe pikat e grumbullimit iu ofrojnë për produktin, çmim i cili në shumë raste sipas tyre nuk arrin të mbulojë as kostot e prodhimit.