Policia e Tiranës ka arrestuar një 33-vjeçar i cili me manovrat e tij të rrezikshme në rrugë aksidentoi punonjësin e Policisë dhe dy mjete të Policisë.
Ky person ishte i ndëshkuar administrativisht edhe tri herë të tjera brenda 10 ditëve, për manovra të rrezikshme dhe gara shpejtësie në qendrat e banuara.
Policia Rrugore i ka pezulluar lejen e drejtimit për mosbindje ndaj urdhrit të punonjësit të Policisë dhe qarkullim në sens të kundërt, i heq të gjitha pikët e lejes së drejtimit, e ndëshkon me vlerë maksimale 100 000 lekë të rinj dhe ndalim administrativ të mjetit për 1 muaj.
Shtetasi M. Y., banues në Tiranë, ka qenë i dënuar më parë edhe për vjedhje.