Japonia shpall gjendjen e jashtëzakonshme në Tokio përgjatë Lojërave Olimpike

tokio 1100x620

Japonia ka shpallur gjendjen e jashtëzakonshme në Tokio, e cila do të qëndrojë në fuqi përgjatë gjithë zhvillimit të Lojërave Olimpike.

Kryeministri Yoshihide Suga u tha gazetarëve se gjendja e emergjencës do të qëndronte deri më 22 gusht, por ai nuk dha detaje mbi kufizimet.

Infeksionet e koronavirusit po rriten në Tokio, ndërsa ceremonia e hapjes së 23 korrikut afrohet.

Ka qenë një kundërshtim i gjerë ndaj Lojërave në Japoni dhe bën thirrje që ato të shtyhen ose të anulohen.

“Duke marrë në konsideratë efektin e varianteve të koronavirusit dhe që të mos lejojmë që infeksionet të përhapen përsëri në pjesën tjetër të kombit, ne duhet të forcojmë kundërmasat tona”, tha kryeministri.

“Duke pasur parasysh situatën, ne do të vendosim një gjendje të jashtëzakonshme për Tokion”, shtoi ai

Njoftimi u bë pas një takimi midis komitetit organizues, qeverisë dhe presidentit të Komitetit Olimpik Ndërkombëtar, Thomas Bach, i cili sapo ka mbërritur në Japoni.

Lojërat Olimpike janë planifikuar të zhvillohen në kryeqytetin japonez midis 23 korrikut dhe 8 gushtit, ndërsa Lojërat Paraolimpike janë midis 24 gushtit dhe 5 shtatorit.