Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Sulmet kibernetike, Biden paralajmëron Putin: SHBA do të marrë masa

Nga A2 CNN
9 Korrik 2021, 22:21 | Bota
Sulmet kibernetike, Biden paralajmëron Putin: SHBA do të marrë

Presidenti amerikan, Joe Biden, i bëri thirrje homologut të tij rus, Vladimir Putin “të marrë masa” kundër grupeve që kryejnë krime kibernetike nga Rusia.

Shtëpia e Bardhë njofton se Biden i ka thënë të premten Putinit se SHBA-ja do të marrë të gjithë hapat e nevojshëm për të mbrojtur amerikanët dhe infrastrukturën e kërcënuar nga sulmet kibernetike.

Telefonata mes dy homologëve zgjati rreth një orë dhe ka ardhur disa ditë pasi Kaseya, një kompani teknologjike me bazë në Florida, ra viktimë e një sulmi kibernetik që ndikoi në punën e qindra bizneseve amerikane dhe mbi 1,500 bizneseve të tjera në nivel global.

Zëdhënësja e Shtëpisë së Bardhë Jen Psaki, deklaroi se nuk ka “informacione se qeveria ruse ka dhënë urdhër për sulme të tilla”, mirëpo Kremlini ka “përgjegjësi për të marrë masa”.

A2 CNN Livestream

Debat - nga Alba Alishani