Qindra milionë tifozë të sportit në të gjithë planetin do të “gozhdohen” përpara televizorit në atë që mund të quhet “Super e diela”.
4 evente të mëdha do të zhvillohen të dielën, në 3 sporte të ndryshme, përgjatë 22 orëve.
Dita e madhe sportive do të nisë me finalen e Kupës së Amerikës, mes Brazilit dhe Argjentinës, në orën 02:00 të mëngjesit.
Nëse SuperKlasikja shkon me penallti, tifozët do të kenë rreth një orë e gjysmë kohë për të rifituar energjitë përpara nisjes së sfidës Conor McGregor dhe Dustin Poirier, në UFC 264.
Më pas, gjatë pasdites së të dielës, do të nisë finalja e tenisit në Wimbledon, ku Novak Djokovic është favorit, por më parë duhet të mundë sot kanadezin Denis Shapovalov, në gjysmëfinale.
Ndërsa në mbrëmje (21:00), qershia mbi tortë: finalja e madhe e “Euro 2020, Angli-Itali.