Ndarja nga jeta e Uran Kostrecit, Basha: I bëri rezistencë regjimit komunist dhe jetoi i lirë deri në fund

kostreci 1100x620

Një lajm të trishtë e ka konsideruar kreu demokrat Lulzim Basha ndarjen nga jeta të poetit Uran Kostreci. Përmes një mesazhi ne rrjetet sociale, kreu i selisë blu shprehet se Uran Kostreci ishte dëshmia e gjallë e kohës së errët komuniste dhe që nuk u  përkul kurrë në idetë e tij për lirinë.

“Lajm shumë i trishtë largimi nga jeta i Uran Kostrecit. Për mua ka qenë privilegj ta njoh nga afër kampionin e qëndresës antikomuniste, këtë dëshmi të gjallë të asaj kohe të errët, një burrë që shumë vite i kaloi në kalvarin e burgjeve komuniste, por që nuk u përkul kurrë në idetë e tij për lirinë. Urani i bëri regjimit komunist qëndresë me poezitë e tij, e deri ditën e fundit jetoi si shpirt i lirë, me dëshmitë dhe poezitë e tij, që në çdo rresht ishin dëshmi e një zemre të madhe, pa mëri e plot dëshirë për të dhënë më të mirën nga vetja. Do të na mungosh, u prehsh në paqe Uran!”, shkruan Basha.