Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Me “pasaportë” në bare, vaksinimi i personelit shëndetësor me detyrim në Greqi

Nga A2 CNN
13 Korrik 2021, 10:15 | Ballkani
Me “pasaportë” në bare, vaksinimi i personelit

Edhe Greqia ka bërë të detyrueshëm vaksinimin ndaj Covid-19 të personelit shëndetësor. Njoftimi erdhi nga kryeministri, Kyriakos Mitsotakis, teksa vala e katërt e pandemisë shfaqet në horizont.

Qeveria e tij prezantoi dhe masat e reja kufizuese në përpjekje për të frenuar përhapjen e virusit, momentalisht në rritje nga varianti delta. Vetëm klientët e vaksinuar do të lejohen brenda bareve, kinemave, teatrove dhe hapësirave të tjera të mbyllura.

 Detyrimi për vaksinim do të aplikohet menjëherë për stafin e qendrave të përkujdesjes, ndërsa punonjësit e shëndetësisë do të imunizohen duke nisur nga 1 shtatori. Ata që refuzojnë mund të përballen me pezullim nga puna.

 “Është e nevojshme që deri në fund të gushtit, 70 për qind e të rriturve të jenë vaksinuar”, theksoi kryeministri grek.

Mitsotakis paralajmëroi se shfaqja e variantit Delta e bën edhe më të domosdoshme mbrojtjen ndaj koronavirusit me anë të vaksinave.

A2 CNN Livestream

Debat - nga Alba Alishani