Rama i dorëzon flamurin ekipit përfaqësues shqiptar në Tokio: Pas kthimit do të hartojmë programin për sportin

rama 56 1100x620

Kryeministri Edi Rama  ka takuar mbrëmjen e sotme ekipin përfaqësues shqiptar në Lojërat Olimpike “Tokyo 2020”. Përpara nisjes në Tokio të 9 sportistëve shqiptarë, Rama vlerësoi rolin e kryetarit të Komitetit Olimpik dhe tha se misioni është që të qëndrojë pranë sportistëve elitare. Sipas tij misioni themelor është krijimi i lëvizjes olimpike.

“Më vjen mirë që kemi pasur mundësinë te jemi pranë komitetit olimpik dhe këtyre sportistëve me aq sa kemi mundur dhe me përfshirjen e Bashkisë së Tiranës është bërë i mundur një trajtim dinjitoz i gjithë anëtarëve të këtij misioni, edhe pse nuk diskutohet që e mira s’ka fund dhe ne kemi plot gjëra për të përmirësuar. Dua të them se e kam pritur me kënaqësi lajmin e zgjedhjes së Fidelit si kryetar i Komitetit Olimpik. Misioni i komitetit olimpik është që edhe të qëndrojë pranë sportistëve elitare, të përgatisë misionet sportive në aktivitete të mëdha, por misioni themelor i komitetit është krijimi i lëvizjes olimpike. Nuk mund të ketë lëvizje olimpike pa një ndërthurje mes qeverisë, bashkive dhe komitetit olimpik, me fëmijët, gjimnazet dhe universitet., ne jemi të motivuar që ti japim një shtytje të re lëvizjeve në shkolla, që është në një fazë embrionale, pas ndërprerjeve për dekada, por njëkohësisht mendojmë që janë krijuar kushtet që kjo lëvizje të hyjë në një fazë të re dhe të fillojë një lëvizje e organizuar që sidoqoftë, përtej përpjekjeve që mund të bëjë qeveria apo ministria e arsimit, varet nga Komiteti olimpik”.

Rama njoftoi se pas kthimit nga Tokio së bashku me komitetin Olimpik do të hartohet edhe programi i ri për sportin që do të ketë përparësi fëmijët.

“Pas misionit në Tokio në do të ulemi bashkë me komitetin për të hartuar një program të përbashkët për të shpjeguar programin tonë të ri në mandatin e tretë që lidhet me sportin dhe sidomos sporti për fëmijët. Për të dëgjuar nga të gjithë njerëzit në komitet apo drejtuesit e federatave dhe për të nisur një rrugëtim që në 4 vitet e ardhshme ta ngremë lëvizjen olimpike shqiptare në një nivel më të qëndrueshëm dhe ta nxjerrim nga kjo fazë embrionale”.

Kryeministri Rama tha se mbështetja e sportistëve të rinj, asnjëherë nuk ka për të mjaftuar, por theksoi se ata do të mëbshtetn në baz ëtë plani të qëndrueshëm.

“Edhe të rinj që duan të bëhen pjesë e misioneve të Shqipërisë, të mund të mbështetet pa kaluar sakrifica të hatashme. Duke iu dhënë atyre gjithë mbështetjeve që mund t’iu japim, edhe pse asnjëherë nuk ka për të mjaftuar. Por të paktën t’iu japë sportistëve, ndjesinë e të qenurit të mbështetur e të dashur. Jo vetëm ato ditë, por gjatë gjithë kohës, pavarësisht se marrin medalje apo jo”.

Për Ramën pjesëmarrja në Tokio do të shërbejë edhe për të forcuar bashkëpunimin me Japoninë.

Dua të falënderoj edhe ambasadorin e nderuar të Japonisë. Ka qenë një partner aktiv në mbështetje të këtij misioni olimpik. Dua sinqerisht t’i shpreh mirënjohjen dhe uroj që bashkëpunimi ynë me Japoninë dhe ura e komunikimit që ne kemi ngritur dhe partneriteti të forcohet edhe falë këtij misioni. Pjesëmarrja e Shqipërisë, shpresoj  edhe rezultatet po ashtu, të jenë një arsye më shumë për të forcuar bashkëpunimin me Japoninë dhe të afrohemi sa më shumë. Shumë suksese, uroj shumë që t’ia dilni në realizimin e objektivave që keni. Sido të jetë rezultati nëse ju do të bëni gjithçka mundeni, e keni bërë detyrën”.