Laçi është kualifikuar në turin e dytë të Ligës së Konferencës pasi mposhti në ‘’Elbasan Arena’’, kundërshtarët e Podgoricës me rezultatin 3-0.
Laçi dominoi totalisht sfidën ndaj malazezëve të Podgoricës, që në kryeqytetin malazez kishte përfunduar 1-0 për vendasit . Kurbinasit triumfuan pas kohës shtesë 3-0 me golat e Deliut (60′), Lushkjës (93) dhe Prengës në të 114-ën, në një ndeshje që tregoi diferencë teknike të dukshme.
Kualifikimi mund të ishte mbyllur në 90 minutat e para, por portieri 18-vjeçar i Podgdoricës, Ivezic, kreu disa pritje të vështira, ndërkohë që laçianët shpërdoruan shumë raste të pastra.
Skuadra e Shpëtim Duros kualifikohet në raundin e dytë të Ligës së Konferencës, ku në fazën tjetër do të përballet me skuadrën rumune të Kraiovës.