Njoftimi i përhapur në rrjete sociale për të fikur automjetet pas orës 12.00, duket se nuk u mor parasysh nga shoferët në kryeqytet. Në rrugët kryesore të Tiranës qarkullimi vijoi normalisht.
Policia rrugore ishte në terren për monitorimin e çdo situate, por që në fund rezultoi të ishte një revoltë vetëm në rrjetet sociale.
Ndërkohë në rrugë, drejtuesit e automjeteve ankohen për çmimin e karburantit, ndaj kërkojnë rishikimin e tij.
Për shkak të cilësisë, shpesh shoferët u drejtohen serviseve, pasi problemet shfaqen vazhdimisht në mjetet e tyre.
Ekspertët e ekonomisë parashikojnë që deri në fund të vitit, çmimi i naftës do të ketë luhatje në treg për shkak të ndryshimit të bursës, që rrodhi fill pas rritjes së kërkesës pas hapjes së vendeve dhe bizneseve nga pandemia.