Liga e Konferencës, turi i dytë, skuadrat shqiptare luajnë sot ndeshjet e para

TURI I DYTE LIGA E KONFERENCES.duplicate frame 0 1100x620

Nisin sot ndeshjet e turit të dytë në Ligën e Konferencës për skuadrat shqiptare të futbollit. Të parët që zbresin në fushë janë nënkampionët e vendit Vllaznia që luajnë në transfertë përballë qipriotëve të AEL Limasol në orën 19:00.

Në të njëjtën orë, Laçi do të presë rumunët e Craiova në “Elbasan Arena” ndërsa kampionët e Shqipërisë, Teuta, të ardhur nga eliminimi në Champions, kanë shansin më të mirë për t’u kualifikuar teksa luajnë me ekipin nga Andorra Inter Escalades.

Përballja që tërheq vëmendje është ajo e Partizanit, që do të sfidojë Baselin e Taulant Xhakës në Zvicër, takim që luhet në orën 20:15. Në duelet e tjera të ekipeve shqiptare, Shkëndija ndeshet me letonezët e Rigës, Shkupi me portugezët e Santa Claras ndërsa Dritën e Kosovës e presin gjigantët holandezë të Feynoord.