Një 52-vjeçar ka mbetur i plagosur në Shkodër mëngjesin e së dielës gjatë një opeacioni të forcave RENEA për kapjen e tij.
Ardian Gjelosh Narkaj ishte person i shpallur në kërkim pasi ishte dënuar në mungesë për një vrasje të ndodhur në vitin 2008 në Malësinë e Madhe.
Ngjarja ndodhi në fshatin Bratosh, ku viktimë mbetën Tonin Ulaj dhe Gjergj Shota. Krimi i dyfishtë ndodhi gjatë kohës kur dy viktimat ishin persona të shpallur në kërkim nga Policia.
Mësohet se Narkaj ka marrë 3 plumba, në kofshë, gjoks dhe parakrah, ndërkohë që ndodhet i shtruar në spitalin e Traumës në gjendje të rëndë.