Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Në kërkim të një milioneri... ka edhe dy ditë afat

Nga A2 CNN
26 Korrik 2021, 18:51 | Lifestyle

Një person ende i panjohur ka arritur të fitojë 1 milion paund në lotari, por ende nuk ka shkuar të tërheqë paratë.

Ai bleu një biletë EuroMillions më 28 janar dhe u shpall fitues, por që prej asaj kohe askush nuk ka shkuar të tërheqë çmimin. Në bazë të rregullave, paratë mund të tërhiqen brenda një periudhe 6 mujore dhe tashmë ky person ka vetëm dy ditë kohë për ta bërë një gjë të tillë.

Biletat e EuroMillions shiten në Spanjë, Francë, Mbretëri e Bashkuar, Zvicër, Irlandë, Portugali, Austri, Belgjikë dhe Luksemburg. Për fituesin misterioz të 1 milion paundëve dihet vetëm që ai e ka blerë biletën në Londër me kodin VSHS38986. Ditët e fundit, lojtarëve u është kërkuar nga EuroMillions të kontrollojnë edhe njëherë numrat e biletave të tyre.

Në rast se askush nuk do të paraqitet për të tërhequr këtë çmim, paratë do të shkojnë për projektet e financuara nga kompania në Mbretërinë e Bashkuar.

A2 CNN Livestream

Dita jonë