Trupi i pajetë i një personi, pjesërisht i dekompozuar është gjetur mbrëmjen e së hënës në zonën e Gjepalaj në Shijak.
Viktima dyshohet të jetë endacak dhe nga këqyrja paraprake e trupit nuk janë konstatuar shenja dhune apo dëmtime të shkaktuara nga armë zjarri.
Grupi hetimor nën Drejtimin e Prokurorisë së Rrethit Gjyqësor Durrës, vijon punën për identifikimin dhe përcaktimin e humbjes së jetës.