Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Ethet misterioze vrasin me dhjetëra fëmijë

Nga A2 CNN
1 Shtator 2021, 15:13 | Bota

Të paktën 50 persona, pjesa më e madhe e të cilëve fëmijë, kanë ndërruar jetë javët e fundit në shtetin verior të Indisë, Uttar Pradesh. BBC raporton se shumë prej tyre kishin temperaturë të lartë, dhimbje të kyçeve, dhimbje koke e dehidratim. Në disa raste, ata patën edhe skuqje të përhapura në këmbë e krahë.

Shumë persona të tjerë kanë përfunduar në spital me të njëjtat simptoma, ndërsa të gjithë kanë rezultuar negativ ndaj Covid-19.

Në një kohë kur vendi duket se po del nga vala e dytë me një numër mjaft të lartë vdekjesh nga koronavirusi, ethet misterioze kanë përhapur panik në shtetin më të populluar të Indisë.

Mjekët në zonat e prekura besojnë se bëhet fjalë për një infeksion viral të përhapur nga mushkonjat, por ende nuk ka asgjë zyrtare. Sipas zyrtarëve, mund të jetë një sëmundje tropikale, e cila ka qarkulluar në Indi prej qindra vjetësh, nga e cila fëmijët kanë gjasa të preken 5 herë më shumë se të rriturit.

"Pacientët, kryesisht fëmijë, po ndërrojnë jetë me shpejtësi në spitale", thotë dr. Neeta Kulshrestha, drejtuese e shëndetësisë në Firozabad, ku 40 persona, përfshirë 32 fëmijë, kanë vdekur javën e kaluar.

A2 CNN Livestream

Dita jonë