Cristiano Ronaldo e ka nisur më së miri aventurën e tij të dytë te Manchester United.
Sulmuesi portugez, i cili sot debutoi me “Djajtë e Kuq” për herë të dytë, pas aventurave te Real Madrid dhe Juventus, shënoi me të djathtën golin e avantazhit për ekipin e tij, në minutën e dytë shtesë të pjesës së parë.
Në minutën e 62-të, ylli portugez shënoi edhe golin e dytë personal, pas një krosimi të Shaw.
United fitoi 4-1 ndaj Newcastle, me golat e tjerë që u shënuan nga Bruno Fernandes dhe Lingard.