Pogradec, personat me aftësi të kufizuar kërkojnë pagesën e prapambetur: E kemi fituar me gjyq

Personat me aftësi të kufizuar në Pogradec vijojnë të kërkojnë të drejtën e tyre të fituar me gjyq për t’u rimbursuar në lidhje me detyrimet e prapambetura të ndihmës financiare që nuk e kanë marrë të plotë, nga viti 2005 deri në vitin 2010. Këtë të hënë, ata protestuan para bashkisë së Pogradecit, ku treguan edhe vështirësitë që po hasin.

Nga ana tjetër, drejtoresha e Financës në Bashkinë e Pogradecit shprehet se kanë pasur komunikim të vazhdueshëm me Ministrinë e Financës për zgjidhjen e këtij problem, por deri më tani nuk ka pasur asnjë përgjigje.

Vetëm në Pogradec janë rreth 200 persona me aftësi të kufizuar që presin këto pagesa, ndërsa në bashkitë e tjera të qarkut numri është akoma i madh.