Kishin rrëmbyer biznesmenin, talebanët varin keqbërësit në mes të sheshit

Përditësuar më: 25/9/2021, ora 21:36
taleban varje 1024x576

Kishin rrëmbyer biznesmenin, talebanët varin keqbërësit në mes të sheshit

Përditësuar më: 25/9/2021, ora 21:36

Talebanët kanë varur 4 persona në mes të sheshit ditën e sotme, të cilët kishin rrëmbyer një biznesmen bashkë me djalin e tij të vogël.

Sher Ahmad Ammar, guvernatori i Heratit, tha se ata ishin vrarë gjatë shkëmbimit të zjarrit me forcat e rendit, kur po përpiqeshin të largoheshin nga qyteti me pengjet.

“Trupat e tyre u sollën në shesh dhe u varën në mënyrë që të tjerët që kanë ndërmend të rrëmbejnë njerëz, ta dinë se çfarë i pret”, tha Ammar.

Ditën e djeshme, një nga anëtarët më të njohur të talebanëve ndër vite, mullah Noorudin Turabi, në një intervistë ka deklaruar se një rikthim i prerjeve të gjymtyrëve për kriminelët ishte i domosdoshëm.

“Gjymtimet janë të domosdoshme për të  garantuar sigurinë e brendshme në vend, por që ndoshta do të ndodhin brenda burgjeve ose në ambient të mbyllur, dhe jo në sheshe si çdo të premte pas daljes nga xhamitë, siç ishte traditë makabër para vitit 2003”, u shpreh Turabi.